Video
Read full review
2016-03-17
1594 views
上次介紹左大埔既森林cafe，可以親親大自然，不過地點就隔涉少少，話說當日都見到好多文青打扮既男女幫襯，睇黎Cafe文化同文青係有著不可分割既關係。今日介紹一間近市區既文青Cafe，無論你係真文青定偽文青都好，都可以去幫襯下沾一沾文氣!地點位於太子一個普遍少人會行到既地方，但其實距離太子地鐵站D出口只係2分鐘路程，所謂「旺中帶靜」咪就係呢d位！神經餵飼係白紙工作室開既一間食堂，點解會叫神經餵飼呢個名咁得意? 因為店主希望食物除左能夠填飽你既胃口之餘，亦希望美食同舒服既環境可以治癒你既神經同心靈，係一個令人放空既好地方。果然一黎到門口已經有種令人放鬆既感覺，大門/招牌用上淺木色，門口種左不同既盆栽，隔離有張長櫈，可以坐低等位或者拎杯咖啡出黎飲。呢度係自助形式，搵位買野食先係自己搞掂，不設訂位。(photo from 100毛)一推開門就有個開放式水吧/廚房，旁邊有幾張木枱櫈。其實呢度係分兩層，下層係坐木枱櫈，而上層就係木地板，有d矮枱同坐墊，大家可以好似坐tatami咁席地而坐，不過就一定要除鞋啦，約左女神/男神去既話，記得出門之前睇下對襪有冇穿窿啦，haha!天花同牆邊吊住好多乾花同植
神經餵飼係白紙工作室開既一間食堂，點解會叫神經餵飼呢個名咁得意? 因為店主希望食物除左能夠填飽你既胃口之餘，亦希望美食同舒服既環境可以治癒你既神經同心靈，係一個令人放空既好地方。
果然一黎到門口已經有種令人放鬆既感覺，大門/招牌用上淺木色，門口種左不同既盆栽，隔離有張長櫈，可以坐低等位或者拎杯咖啡出黎飲。呢度係自助形式，搵位買野食先係自己搞掂，不設訂位。
(photo from 100毛)一推開門就有個開放式水吧/廚房，旁邊有幾張木枱櫈。其實呢度係分兩層，下層係坐木枱櫈，而上層就係木地板，有d矮枱同坐墊，大家可以好似坐tatami咁席地而坐，不過就一定要除鞋啦，約左女神/男神去既話，記得出門之前睇下對襪有冇穿窿啦，haha!
天花同牆邊吊住好多乾花同植物!
食物方面無特定餐牌，每日都有機會唔同，有主食飯/麵類同埋一d輕食/甜品，三文治，Waffle之類! 飲品有咖啡，花茶，梳打等。果日叫左個紫薯什菜帶子奶油燴飯 $88，第一次食飯隻色係咁靚，朋友黎到見到咁靚都跟我叫左碗，飯入面有紫薯粒同紫椰菜，奶油味唔重，整體係比較淡，夾埋細細粒既帶子一齊食就好味D，不過清清地感覺都幾健康，鐘意重口味既朋友就未必岩啦! 另外叫左壺洋甘菊烏龍茶$45，同朋友傾下飲下就不知不覺坐左幾個鐘，呢度真係一個好岩傾計放鬆既好地方，我見好多人都帶埋Macbook黎做野，比起去圖書館/星X克舒服好多，起碼唔會人來人住!
食飽飽去下洗手間，餐廳尾有扇鐵門推出去就係，不過我想講呢扇鐵門真係攞我命3千，可能有D生銹關係，每次有人出去，一堆就會發出勁高音既"GIT"一聲，果下真係好影響心情，我同朋友都好有衝動幫佢地買支WD-40噴下佢!!! 希望店主快d搞搞佢啦! 我唔係咁變態廁所都想介紹，只係想講下推開門之後係個露天既地方，佢地都係度種左好多植物，同埋個石屎洗手盆真係好raw好有feel!香港人工作壓力大，最近社會氣氛，政治問題都令人神經緊張，不妨週未黎呢度坐下放空下，睇下可唔可以幫你治療繃緊既神經?
Address: 旺角砵蘭街434號地舖
Tel: 2673 4722
Open hour:
星期二至日: 12:00-21:00
星期一休息
Post
