Video
Read full review
2016-05-02
840 views
係電影中心睇完戲都已經六點有多，女朋友話肚仔餓，作為廿四孝男友既我當然要識做，即刻搵好野俾佢食啦~ 相信好多男士都有試過，當附近有間M記同一間靚靚餐廳俾你揀，就算自己心入面有幾想食脆香雞翼，為左女友仔，都要同佢去間靚靚餐廳等佢呃下LIKE 所以我一出戲院就即刻轉入去KUBRICK 等我女友除左食得飽之外，仲可以做下(偽)文青，呃下LIKE 有聽過KUBRICK 既朋友都知佢係走文藝路線，店面細細，大約只有20個座位，用膳區旁係小型書店，經常可以看到有人係度打書釘。裝修同設計方面都係以簡樸為主，而且多用木質的家具，上至收銀處，下至號碼牌都不難看出是走木材路線，換句話說，就係100%文青或(偽)文青打卡聖地。除左裝修，食物方面其實亦有唔錯既水準，小弟每次尼都會至少叫一款包，因為佢D包絕對係誠意之作，今次就試左佢地自家製既OK牛肉漢堡。一上台，個BURGER 外觀唔錯，跟住沙律上，感覺幾FRESH~ 個沙律係以生菜同鮮茄混合製成，冇加任個醬料，但勝在新鮮，食落"索索"聲，可以減低食BURGER 既罪惡感。至於個BURGER，上下兩塊麵包係烘過至夾落去既，有烘底既BURGER，隔離間M叔叔就
有聽過KUBRICK 既朋友都知佢係走文藝路線，店面細細，大約只有20個座位，用膳區旁係小型書店，經常可以看到有人係度打書釘。裝修同設計方面都係以簡樸為主，而且多用木質的家具，上至收銀處，下至號碼牌都不難看出是走木材路線，換句話說，就係100%文青或(偽)文青打卡聖地。
除左裝修，食物方面其實亦有唔錯既水準，小弟每次尼都會至少叫一款包，因為佢D包絕對係誠意之作，今次就試左佢地自家製既OK牛肉漢堡。
一上台，個BURGER 外觀唔錯，跟住沙律上，感覺幾FRESH~ 個沙律係以生菜同鮮茄混合製成，冇加任個醬料，但勝在新鮮，食落"索索"聲，可以減低食BURGER 既罪惡感。
至於個BURGER，上下兩塊麵包係烘過至夾落去既，有烘底既BURGER，隔離間M叔叔就一定做唔到啦，KUBRICK 既包一向係自動烘底，而且烘得好香脆，咬落去果陣仲會有"索"一聲，絕無欺場 不過今次既敗筆主要出係塊漢堡扒度，雖然塊肉既份量唔細，但食落好乾冇肉汁，仲要有D鞋口 雖然個包可以幫佢拎返唔少分，但BURGER 既靈魂必然係係塊肉度，所以對佢地依個自家製BURGER有D失望~
另外叫左薯條，薯條係即炸既，熱辣辣咁上，好香脆，但又唔太油膩，冇話食到成口油，炸得幾好，加上佢雖然唔係厚切，但亦唔算幼，食落比較有口感，薯味亦濃，唔錯其實如果唔係BK 左台食放題，我地可能會叫多一兩樣食物尼食既，可惜今次要留肚，期待下一次尼食可以見到佢地保持到質素之餘亦有所進步
Post
