屋子生活 (Closed)

已經唔係第一次嚟呢間cafe，好中意呢度嘅環境。食野同時都可以透過落地玻璃望到外面的好天氣，而且裡面設計都好靚。另外，cafe亦不設用餐時間，可以慢慢同朋友影下相同傾計。星期六比較多人，今次就坐唔到榻榻米。可能都坐得比較近大門位置，未有涼到冷氣。炭烤雞塊丼 $69雞塊份量較少，味道就係甜甜地，有啲似平時燒烤食到嘅雞肉串。任何料理加$25就會有埋味噌湯、沙律及指定飲品。選擇的抹綠奶茶與期望相符，味道都唔會太淡。小倉抹茶窩夫 (抹茶雪糕) $50成個甜品嘅造型擺盤都好靚，望落都非常有食慾。窩夫表面焗到脆脆地，紅豆味道偏甜，夾埋抹茶雪糕一齊食就啱啱好啦。