ALIVE EATERY by Alive Food (Closed)

深水埗汝州街（布街）D布行一間間結業，反而cafe越開越多，今日就來左一間文青cafe食早餐。cafe主打酸種麵包，不過都有意粉沙律食。朋友推薦我試下「烤雙重芝士南瓜酸種三文治」份量十足，三文治烤到香口皮脆👍🏻內層有大量芝士同南瓜。整體味道十分好，不過食得多都係有D膩，呢個時候搭配的沙律就好重要。一開始食我仲嫌沙律醋落得太多太酸，食左幾啖三文治就明白點解要落咁多醋🤣好解膩👍🏻 另外仲叫左杯熱有機玫瑰茶，茶味都比預期好，好過好多café 玫瑰茶。