Video
Read full review
2018-12-24
1838 views
又係約咗好耐，之前講咗好耐終於過嚟食。起初以為搬咗舖，原來係一個誤會。因為知道呢度經常都好full, 所以之前打咗電話黎訂枱. 好彩有訂枱, 到咗嘅時候都見到都好多客人。坐低後大家就研究叫咩食。今日菜式：因為仲未齊人, 我地見到其他枱叫左碟芝麻糕,所以我地又試叫一碟黎試下。味道好好, 好濃郁既芝麻味道, 口感亦好煙靭，有少許椰汁味道。泰式雲吞冬陰功窩 (8粒) $98呢窩好大窩，賣相同味道又真係激似泰式冬陰功湯, 入面其實仲有好多配料，素蝦、素蟹柳等, 雲吞又係好似樣, 餡料有D似魚蛋既口感, 辣味又唔會搶晒成個湯既味道, 正!粒雲吞真係好似樣~招牌雜果沙律骨 $70上面真係有一大pat沙律食, 而且有少許生果粒食, 而所謂既沙律骨既骨, 當然係素食啦, 但咬落既口感同味道, 我會覺得有點似麥樂雞, 係真既! 而且咬落好似真係咬緊肉食咁，炸粉亦唔厚。酥炸素生蠔 (12) $70雖然口感唔似蠔, 但又幾好味喎., 煙煙靭靭~呢個配上秘製醬料可蘸黎食~酥炸香滑鮮奶 (8粒) $75專程過黎order 呢個既, 因為實在好好味, 每粒鮮奶差唔多同個拳頭一樣咁大, 不過今次既炸漿就厚左少少.
坐低後大家就研究叫咩食。今日菜式：
因為仲未齊人, 我地見到其他枱叫左碟芝麻糕,
所以我地又試叫一碟黎試下。
味道好好, 好濃郁既芝麻味道, 口感亦好煙靭，有少許椰汁味道。
泰式雲吞冬陰功窩 (8粒) $98
呢窩好大窩，賣相同味道又真係激似泰式冬陰功湯, 入面其實仲有好多配料，素蝦、素蟹柳等, 雲吞又係好似樣, 餡料有D似魚蛋既口感, 辣味又唔會搶晒成個湯既味道, 正!
粒雲吞真係好似樣~
招牌雜果沙律骨 $70
上面真係有一大pat沙律食, 而且有少許生果粒食, 而所謂既沙律骨既骨, 當然係素食啦, 但咬落既口感同味道, 我會覺得有點似麥樂雞, 係真既! 而且咬落好似真係咬緊肉食咁，炸粉亦唔厚。
酥炸素生蠔 (12) $70
雖然口感唔似蠔, 但又幾好味喎., 煙煙靭靭~
呢個配上秘製醬料可蘸黎食~
酥炸香滑鮮奶 (8粒) $75
專程過黎order 呢個既, 因為實在好好味, 每粒鮮奶差唔多同個拳頭一樣咁大, 不過今次既炸漿就厚左少少. 入面既鮮奶好香滑, 好好味, 甜甜地, 又好似有少少椰香味道. 正!
香芋素仙斑 $70
呢碟又係同事欽點叫做既, 芋頭魚又係做得好好味. 炸粉好薄, 芋頭蓉搓得好軟滑, 加埋甜酸醬食, 味道一流.
公司三文治 (芥醬) $48
一款好西式既素菜, 估唔到下午有得叫, 大家都好想試, 又見隔離枱食緊, 賣相幾靚, 我地都唔執輸叫埋.
入面既餡料好似公司三文治, 入面既餐肉素肉味道同真既餐肉真係可以以假亂真!!!
鴛鴦炒飯 $70
味道同酒樓既一模一樣, 好犀利!!!
食完呢餐素午餐後, 感覺好好, 因為既可滿足口欲, 但又食咁多野, 其實都只係食左D素菜落肚, 哈哈!
Post
