Video
Read full review
2017-11-27
199 views
睇完戲同家人行過，母親大人話不如食呢間，因為母親大人戒食紅肉都好耐，但我地一向都冇陪佢戒食，心諗咁不如今次就試試佢啦!坐低一睇餐牌，發現原來呢間係老字號黎，早於2001 年已經開業，然後母親大人就講返以前隔離街都有好多齋舖，一路緬懷舊事，一路問我家姐記唔記得，但我家姐就一路做低頭族，全程禁電話。唉‥‥‥而家D年輕人真係‥‥‥傾左一陣，野食就陸續上到，效率之高值得一讚首先上嘅係齋鹵味，上嘅時候暖暖地，而出面普遍都係凍上，我個人就覺得暖食嘅感覺比較好。其實成碟都唔錯，但酸齋如果可以再酸少少就PREFECT 啦。野生竹笙腐皮卷，賣相同相大致相同，食落亦相當唔錯，雖然事後埋單先發覺竹笙好似無食到?! 但口感同味道相當不錯，所以食唔到都唔係好覺。 我以往係唔食生菜包嘅，因為普遍生菜包都有我唔鐘意嘅辣肉碎，而呢個生菜包係一D 都唔辣，非常岩我。龍蝦球，雖然香脆，但我個人覺得較為普通。由上至下：紅燒野生竹笙素翅、粟米菜粒豆腐羹、酸辣燴素翅除左酸辣燴素翅太辣唔岩我之外，其餘兩個都好好味。食完小菜之後，飯同粉就上場啦，本身諗住今餐實唔夠飽，點知‥‥‥飯同粉係勁大碟！！！係勁大碟！！！真係好大碟呀！！！(
睇完戲同家人行過，母親大人話不如食呢間，因為母親大人戒食紅肉都好耐，但我地一向都冇陪佢戒食，心諗咁不如今次就試試佢啦!
坐低一睇餐牌，發現原來呢間係老字號黎，早於2001 年已經開業，然後母親大人就講返以前隔離街都有好多齋舖，一路緬懷舊事，一路問我家姐記唔記得，但我家姐就一路做低頭族，全程禁電話。唉‥‥‥而家D年輕人真係‥‥‥
傾左一陣，野食就陸續上到，效率之高值得一讚
首先上嘅係齋鹵味，上嘅時候暖暖地，而出面普遍都係凍上，我個人就覺得暖食嘅感覺比較好。
其實成碟都唔錯，但酸齋如果可以再酸少少就PREFECT 啦。
野生竹笙腐皮卷，賣相同相大致相同，食落亦相當唔錯，雖然事後埋單先發覺竹笙好似無食到?! 但口感同味道相當不錯，所以食唔到都唔係好覺。
我以往係唔食生菜包嘅，因為普遍生菜包都有我唔鐘意嘅辣肉碎，而呢個生菜包係一D 都唔辣，非常岩我。
龍蝦球，雖然香脆，但我個人覺得較為普通。
由上至下：紅燒野生竹笙素翅、粟米菜粒豆腐羹、酸辣燴素翅
除左酸辣燴素翅太辣唔岩我之外，其餘兩個都好好味。
食完小菜之後，飯同粉就上場啦，本身諗住今餐實唔夠飽，點知‥‥‥
飯同粉係勁大碟！！！係勁大碟！！！真係好大碟呀！！！(重要事情要講三次)
粉我就比較少食，但佢地都話比個飯好食。相反我就好鐘意個飯，我差不多成碟都係我食晒。
係雞呀
最近我地叫左三個甜品SHARE 就結束今餐啦。(由上而下：桂花圓肉雪耳羹、薑茶菊花、芝麻糊)
Post
