堅記大排檔

Open Now

Now Closed

經過呢間屋村平台的大排檔幾次, 亦在旁邊嘅日本料理店食過一餐, 但往往過門而不入, 原因之一可能係食客太擠擁時二手煙太勁, 無法置身其中, 但這個星期三的晚上跟友人到石峽尾賀友人快餐店新張之喜, 走的時候經已是晚上10點, 便想到上址可以簡單地吃一點東西, 上到現場見又唔多客人, 可能晚飯市已過, 外面只有疏落的幾枱客, 每枱都有不少空間,我們只叫了三個餸, 生炒骨, 粟米斑塊, 金銀蛋覓菜, 三個菜都很滿意, 尤其是”粟米斑塊”一碟六件, 每件約一部生果手機大細, 外皮炸得微微金黃且乾身, 炸衣脆口且簿炸功拍得住酒店級数, 魚肉除咗juicy之外還有些少魚鮮味才是難得之處, 粟米汁明顯是忌廉粟米湯的產物, 賣$98一碟即16蚊一件,價錢是大酒樓級数,生炒骨都ok好食, 汁的調味沒有過酸或者過甜, 肉粒大細亦適中, 唯一少了的是-菠蘿粒??點解唔落呀? 沒有這種生菓顏色同味道都會缺少了甚麼似的,那晚的金銀蛋覓菜的菜非常的非常的幼嫩, 食落似無渣咁滞, 少有的一次大排檔菜式以這種高質素演譯,這裡絕對有機會再來的一間屋村大排檔!