Video
Read full review
2019-05-22
43 views
今日終於同患有腎上線忽高忽低嘅腦細分手，咁高興就梗係食好啲~日本菜至頂級料理omakase!!!門口係密封式，所以私隱度超高。好正呀~~白梅貝，起初以為係翡翠螺，但螺殼係無咁綠，貨食落一啲都唔韌，仲有淡淡嘅鰹魚味。松葉蟹x地膚子x枝豆蓉撈埋嘅小食，地膚子帶一陣好微嘅藥膳味，枝豆味較寡，但有蟹肉嘅鮮，成個餸即時唔同晒。薄切左口魚蔥段卷，師傅準備咗塊迷你岩鹽板，上面刨咗啲柚子皮碎，食落清新。因為點咗岩鹽，所以唔需要點豉油，反而令到魚味更突出。海螺刺身，肥仔超鍾意食，不過平時會點啲豉油，今次唔洗點，因為醋味啫喱已經幾海螺嘅鮮味帶到頂點。而平政魚就比較和諧嘅一款魚，唔太肥，肉質較滑。鰤魚就肥啲爽口啲，食完之後口腔都會有陣魚香味。螢光魷魚，唔好睇佢細細件，佢嗰種魷魚嘅鮮味，真係震撼到爆炸，只可以講一定一定要食!幼切池魚，加上秘製醬汁同蔥，平時我唔太鍾意食蔥，今次仲要係生蔥，不過嚟到就試下啦，點知食落一啲都唔抗拒，原來靚嘅食材係差咁遠。火灸鯖魚，鯖魚同本身係比較濃味嘅魚，火灸後更加令魚嘅油份迫出嚟，赤睦魚油份較高，燒後嘅魚皮彈牙煙韌，兩款魚一啲都唔醒，應該話啲今晚食嘅所以魚生一啲都唔醒。拖羅刺身，
咁高興就梗係食好啲~日本菜至頂級料理omakase!!!門口係密封式，所以私隱度超高。
好正呀~~
白梅貝，起初以為係翡翠螺，但螺殼係無咁綠，貨食落一啲都唔韌，仲有淡淡嘅鰹魚味。
松葉蟹x地膚子x枝豆蓉撈埋嘅小食，地膚子帶一陣好微嘅藥膳味，枝豆味較寡，但有蟹肉嘅鮮，成個餸即時唔同晒。
薄切左口魚蔥段卷，師傅準備咗塊迷你岩鹽板，上面刨咗啲柚子皮碎，食落清新。因為點咗岩鹽，所以唔需要點豉油，反而令到魚味更突出。
海螺刺身，肥仔超鍾意食，不過平時會點啲豉油，今次唔洗點，因為醋味啫喱已經幾海螺嘅鮮味帶到頂點。
而平政魚就比較和諧嘅一款魚，唔太肥，肉質較滑。鰤魚就肥啲爽口啲，食完之後口腔都會有陣魚香味。
螢光魷魚，唔好睇佢細細件，佢嗰種魷魚嘅鮮味，真係震撼到爆炸，只可以講一定一定要食!
幼切池魚，加上秘製醬汁同蔥，平時我唔太鍾意食蔥，今次仲要係生蔥，不過嚟到就試下啦，點知食落一啲都唔抗拒，原來靚嘅食材係差咁遠。
火灸鯖魚，鯖魚同本身係比較濃味嘅魚，火灸後更加令魚嘅油份迫出嚟，赤睦魚油份較高，燒後嘅魚皮彈牙煙韌，兩款魚一啲都唔醒，應該話啲今晚食嘅所以魚生一啲都唔醒。
拖羅刺身，入口咬兩吓就已經消失咗，淨係留咗一陣拖羅嘅油香。
不過都唔夠火灸紫菜包大拖羅，好似中咗化骨綿掌咁，食落口唔夠兩秒就溶咗。
甜蛋,味道帶甜,食落有啲似燉蛋,口感好唔同傳統食開.
突然出咗一道柚子啫喱，原來係要嚟清一清個口腔。準備下一節!
海膽軍艦，根室空運到港，根本就係屈機咁鮮甜，係完美!
呢個帶少少粉紅色嘅魚，原來係銀鱈魚生食，生食用嘅肉質一樣咁滑口，肥而不膩~
生猛嘅赤貝壽司，爽口鮮味，我見到啲肉會飛起，仲郁郁吓咁㗎。
灸燒右口魚裙邊，啲油差唔多滴出嚟咁，不過魚油對人類係好好所以食多兩件都唔怕。
牡丹蝦壽司，簡單到爆，捌殼，捌蝦腸， 掃一吓醬油，好食!
納豆吞拿魚卷 , 曾經我試過食納豆食到嘔...今日我竟然食晒
燒大帶子，8成熟，鮮味再加淡淡嘅精酒同醬油嘅香，厚厚嘅帶子肉，外邊煙韌，入面帶嫩口。
柚子清酒凍，我見到即刻心心眼，清新又有酒香。
豚肉麵豉湯，有野菜嘅甜味，麵豉湯唔太咸，好暖胃。
蜜桃雪芭，份量唔大，但食到呢一刻，肥仔就覺得啱啱好。
呢道除咗可以食到好味嘅食物，仲可以感受到呢間餐廳嘅用心，食嘅時間一啲都唔拘謹，成件事係開心嘅~
Post
