Chef's Cuts

Open Now

Now Closed

呢間高質餐廳除咗堂食位置仲有購買食材嘅區域，如堂食食完意猶未盡，有興趣買返屋企自煮行幾步就可以選購。佢地嘅650g斧頭扒只需$398都係第一次見，仲要係經過14-21日乾式熟成嘅牛扒，真係親民又高質！斧頭扒除咗夠粉嫩食落味道濃，熟成後更會腍嫩啲。三文魚皮脆肉滑，仲有芝士薯餅同三文魚香腸作為主食幾豐富！牛骨髓配牛肋肉油脂感中帶肉粒有咬口，多士香脆更加分！海蝦番茄辣肉腸燴飯辣辣地蕃茄味都出加埋爽彈海蝦，燴飯好夠熱簡直係呢個冬日添溫暖。最後不少得甜品環節，Tiramisu顛覆平時層層疊嘅形象，中間為棉花糖雪糕，側邊先係咖啡蛋糕，夾埋一齊食別有一番風味！士多啤梨甜蛋白脆雲呢拿意大利雪糕個款甜品酸酸甜甜嘅莓味令整件事完全唔膩都好推介。適逢十二月聖誕期間，餐廳限定供應Mulled Wine 香料熱紅酒，早排見東方昇係英國Christmas Market風騷飲熱紅酒，依家大家嚟到香港屯門黃金海岸都可以飲到啦～飲完暖笠笠帶點肉桂香。