陶園燒臘飯店 (Closed)

每逢大時大節屋企都一定會斬料加送，今次做冬都唔例外，放工行經呢間佐敦既「陶園燒臘飯店」，比佢門口隻公仔吸引左😂，見啲燒味都唔差，所以就試下佢隔住玻璃可以睇到重有咩供應，不過我可能太夜過去，已經賣得七七八八，好在我想買既都重有門口勁大隻著衫既燒鵝吹氣公仔，勁吸睛🤣燒味既價錢貼左係門口，一目了然叫左燒鵝$130同叉燒$40叉燒雖然比較瘦，但一啲都唔硬，易咬淋身，好喜歡外層既蜜汁，甜而不膩，十分好味👍🏻，斬得比較厚身，啖啖肉燒鵝好厚肉，肥瘦適中，肉質鮮嫩，而且個表皮燒得好脆，不過比較多係骨位，但比例都可以接受配上酸梅醬同滷水汁其實我次次買親燒味都好驚個膠袋或者發泡膠盒會好油，但呢一間完全無，亦無漏汁👍🏻，可見餐廳有幾乾淨