陶園燒臘飯店 (Closed)

疫情期間已經養成在家煮飯嘅習慣，但煮得多都會悶，當無咩新餸菜靈感個陣，最方便就係去斬料加餸啦😆陶園燒臘飯店門口放咗著住燒味師傅裝扮嘅燒鵝大皇作為生招牌，好容易認到😆而且係等待美食嘅時候，人流都絡驛不絕，相信都儲落唔少街坊客👍🏻 今次就叫咗1/4燒鵝下庄同$40燒腩仔，份量夠哂2人晚餐👍🏻燒鵝唔知係咪因為用荔枝柴去燒，燒鵝皮帶多咗一份甜味同柴火燒嘅香氣，燒鵝嘅皮下脂肪適中，啖啖肉之餘亦保持天然嘅油脂香氣； 燒腩仔係五花腩製成，層層分別而且偏瘦，加上外皮鬆脆，鹹香十足，教人食唔停口😋