Video
Read full review
2018-03-09
99 views
我地新年冇去過拜年，都係睇下賀歲片，笑下、開心下，之後響屋企休息休息，練下結他，無大魚大肉，無風無浪咁就過左個年啦！ 今日要去鴨寮街買電話咭同電池，行行下見到啲燒味燒到好靚，就斬料返屋企同爸媽哋分享之餘，又唔使媽媽煮得咁辛苦，見到依間燒味店都多人買，啲白切雞，油雞同乳鴿等，我點了豉油雞，眼見佢漲卜卜，但唔會好肥之餘，啲肉都好滑嫁，胸位都唔鞋，非常入味，我就覺得夠晒味，但佢都比左包 唔細嘅豉油點料返屋企“加色”. 燒腩，當然係豬嘅肚腩位啦！嗰個部位無乜郁動，可能因為咁，所以都比較嫩，肉同脂肪一層隔一層，十分分明， 皮就十分香脆，肥而不膩，中間有少許軟骨粒，十分有口感. 師傅們十分友善，見我喺度影相，好嘻皮的跟我開玩笑，叫我影佢嘅拍檔，又影嗰個幫手姐姐，當時我有啲怕醜，但佢地真係好熱情又友善，都感受到佢哋喺呢度工作好愉快，我不得不拍下他們可愛嘅一面. 燒鵝點可以缺少啊，我要了下庄，當佢切嗰陣，感覺有啲肥，見到白色嘅見膏，師傅話正常，連我買到返屋企，連媽媽都話正常，鵝係肥啲嘅，雖然係肥，但重油香，肉質都嫩滑，充滿肉汁， 皮漲卜卜，賣相好吸引呢！ Daddy,就最鍾意食乳鴿，
今日要去鴨寮街買電話咭同電池，行行下見到啲燒味燒到好靚，就斬料返屋企同爸媽哋分享之餘，又唔使媽媽煮得咁辛苦，見到依間燒味店都多人買，啲白切雞，油雞同乳鴿等，我點了豉油雞，眼見佢漲卜卜，但唔會好肥之餘，啲肉都好滑嫁，胸位都唔鞋，非常入味，我就覺得夠晒味，但佢都比左包 唔細嘅豉油點料返屋企“加色”.
燒腩，當然係豬嘅肚腩位啦！嗰個部位無乜郁動，可能因為咁，所以都比較嫩，肉同脂肪一層隔一層，十分分明， 皮就十分香脆，肥而不膩，中間有少許軟骨粒，十分有口感.
師傅們十分友善，見我喺度影相，好嘻皮的跟我開玩笑，叫我影佢嘅拍檔，又影嗰個幫手姐姐，當時我有啲怕醜，但佢地真係好熱情又友善，都感受到佢哋喺呢度工作好愉快，我不得不拍下他們可愛嘅一面.
燒鵝點可以缺少啊，我要了下庄，當佢切嗰陣，感覺有啲肥，見到白色嘅見膏，師傅話正常，連我買到返屋企，連媽媽都話正常，鵝係肥啲嘅，雖然係肥，但重油香，肉質都嫩滑，充滿肉汁， 皮漲卜卜，賣相好吸引呢！
Daddy,就最鍾意食乳鴿，佢依度係即叫即炸的，即係你order佢先拎去炸，很新鮮，佢仲細心咁將個盒整個“窿”，等我返到屋企都係脆皮嘅，鴿油原油原味，肉味鮮味 一啲都唔靱，食到裏面有少許鹵水味，肉厚厚的，啖啖香脆嫩幼嘅小乳鴿，其味無窮.
平時我好少買咁多燒味，一來見到啲燒味靚，二來新年嘛！熱熱鬧鬧，開開心心，久不久一次滿枱“雞鴿鵝豬吧”！更可況家人都大讚依間燒味好味呢！
Post
