燒味滷師 (協邦大廈) (Closed)

年初三赤口適逢情人節，去唔到親戚拜年，所以留左係屋企同屋企人食飯。到左屯門之後，媽咪話唔夠餸，叫我去樓下斬料加餸。估唔到年初三，呢間燒味店就已經開咗門做生意，所以拿拿臨斬左啲燒味返屋企加餸。係度等燒味期間，見到鋪頭有好多仲未燒好既燒鵝，估計呢度係一個自設工場，咁就可以因應客人既數量，而立即準備燒鵝嘅，咁樣可以保證燒鵝既味道同品質。返到屋企，打開個盒，啲燒味既香味已經飄出黎，同埋啲叉燒汁係分開上，咁就唔會令到啲叉燒浸得太耐，導致啲叉燒太鹹，很貼心。燒腩仔啲皮亦都好脆，好有驚喜。呢間燒味店啲燒味令我對燒味有另一嶄新嘅睇法