Video
Read full review
2018-03-24
185 views
熟識筆者的朋友都知我是個無飯煮婦，所以平日絕少會喺家中宴客，不過有時避無可避，最佳的解決辦法，當然就係斬料。之前有朋友幫襯過西九對面呢間叫「快靚正」嘅燒味粉麵茶餐廳，話佢嘅燒臘，水準唔錯，買外賣的人絡繹不絕，放工時間更會有長人龍來排隊「斬料加餸」，叫我經過開，不妨買嚟試下。店子位於深水埗基隆街 383-385 號地下，原來餐廳地方頗大，佔兩個鋪位。先看看近門口玻璃櫃吊掛住嘅燒臘，幾款色水都唔錯，尤其是燒鵝同叉燒，前者外皮泛紅、而後者亦帶有光澤，旁邊的燒腩仔，外皮更滿佈像芝麻的粒粒花紋，非常吸引，就一於買幾款返歸。先講下盒燒鵝 ($190/半隻)，鵝皮色澤赤紅帶光澤，皮肉飽滿，入口酥香，油脂豐盈不膩。鵝肉食落有濃郁鵝味，肉質嫩滑，完全唔韌，而且腹內的香料味不會太搶風頭，恰如其分地將濃郁鵝香勾引出來，吃得人津津有味。燒 ($45/半斤)，叉燒揀左半肥瘦，雖然有部份看起來仍屬偏瘦，幸好食落肉質鬆化軟腍帶蜜味，食得出並非雪藏貨，加上切得夠厚身，有口感，而且最開心就係有好幾件叉燒竟然有燶邊，多咗份焦香，用嚟送飯一流。至於燒腩仔 ($148/斤)，外皮咬下脆卜卜，口感香脆鬆化，脂肪及瘦肉層層相間，
熟識筆者的朋友都知我是個無飯煮婦，所以平日絕少會喺家中宴客，不過有時避無可避，最佳的解決辦法，當然就係斬料。之前有朋友幫襯過西九對面呢間叫「快靚正」嘅燒味粉麵茶餐廳，話佢嘅燒臘，水準唔錯，買外賣的人絡繹不絕，放工時間更會有長人龍來排隊「斬料加餸」，叫我經過開，不妨買嚟試下。
店子位於深水埗基隆街 383-385 號地下，原來餐廳地方頗大，佔兩個鋪位。先看看近門口玻璃櫃吊掛住嘅燒臘，幾款色水都唔錯，尤其是燒鵝同叉燒，前者外皮泛紅、而後者亦帶有光澤，旁邊的燒腩仔，外皮更滿佈像芝麻的粒粒花紋，非常吸引，就一於買幾款返歸。
先講下盒燒鵝 ($190/半隻)，鵝皮色澤赤紅帶光澤，皮肉飽滿，入口酥香，油脂豐盈不膩。鵝肉食落有濃郁鵝味，肉質嫩滑，完全唔韌，而且腹內的香料味不會太搶風頭，恰如其分地將濃郁鵝香勾引出來，吃得人津津有味。
燒 ($45/半斤)，叉燒揀左半肥瘦，雖然有部份看起來仍屬偏瘦，幸好食落肉質鬆化軟腍帶蜜味，食得出並非雪藏貨，加上切得夠厚身，有口感，而且最開心就係有好幾件叉燒竟然有燶邊，多咗份焦香，用嚟送飯一流。
至於燒腩仔 ($148/斤)，外皮咬下脆卜卜，口感香脆鬆化，脂肪及瘦肉層層相間，約有四至五層，而最底層就連骨。肉質方面，入口軟腍無渣，而且肥瘦均勻相稱，味亦醃得剛好，肉味偏甜唔太鹹，又唔油膩，食到肉香，令人回味。下次有機會要試下其他燒味。
Post
