皇庭匯 (Closed)

今晚我們又再去咗「皇庭匯」旺角店食晚飯！喺點菜嘅時候店員向我們推介他們最新推出嘅超級抵食優惠！有豆豉粉絲蒸大元貝每隻都只係$8蚊咋，真係極之抵食呀！北京片皮鴨「一食」都只係$38蚊咋，真係超級抵食呀！另有其他多款超優惠選擇！而我們今晚就叫咗沙參肉竹燉龍骨湯、豆豉粉絲蒸大元貝、北京片皮鴨「一食」、香煎南非鮑魚同石鍋膶腸炒芥蘭！沙參肉竹燉龍骨湯仍然係咁足料同火候十足，絕無偷工減料！豆豉粉絲蒸大元貝係即叫即劏，所以相當新鮮，味道超鮮甜！北京片皮鴨「一食」嘅皮燒得非常皮脆肉嫩多汁！香煎南非鮑魚煎得相當金黃香脆，煎嘅火候同時間控制得恰到好處，肉質香脆嫩滑彈牙，賣相非常吸引！石鍋膶腸炒芥蘭嘅膶腸嘅味道非常甘香，散發出嚟油香溶入晒芥蘭入面，芥蘭亦相當幼嫩爽脆同無根！真係超好味！