爸B燒

Open Now

Now Closed

因工作關係要去新蒲崗，要搵間好西食慰勞下自己，於是見到呢間門面咁光猛既小店就俾佢吸引左，雖然地方唔太大, 但勝在坐得夠舒服，感覺好溫馨，呢度除左有豬牛雞串燒之外，都有燒海鮮食, 我最鍾意就係個蝦串燒，見依家做緊promo 6元隻，原先以為咁平都知係雪蝦，於是就叫左2隻試下，點知一上枱，就見到D蝦腳、鬚、殼都好完整，好食到不得了，我再入左半打食...。另外，俾老闆sell埋條則魚食，90幾蚊，味道都幾特別，香口得黎又有汁，魚怪應該要試，不過都幾大條，我諗要2個人先食得晒。老闆都好好人, 可能見夜, 賣唔晒，就免費送左個生蠔俾我地去試食, 啖啖肉又夠juicy唔乾。最值得一讚係，呢度竟然有泰國既肉碎生菜包賣，而且味道一流, 十分地道。