Video
Read full review
2010-09-19
275 views
還記得我第一次吃酒店buffet就係呢度兼且係我吃過噤多間酒店buffet中 翻抄得最多既一間.屈指一數,吃過起碼都有6次,dinner同宵夜各半.呢日約左個靚女Friend睇戲吃飯,睇完戲吃酒店buffet其實已經係我地既指定動作.係openrice度見到有新主題幾吸引&未一齊係呢度吃過,所以就揀左呢度啦.dinner由6pm到9:30pm,我地大約6:45pm walk in呢日係閒日加上時間尚早,坐得大約1半人到窗口位比人book曬,比左窗口位對出果檯我地,都ok啦,最緊要有位環境方面,唔算特別靚,佈局整齊,窗口有d係2人sofa位,燈光略暗,檯頭點起蠟燭,窗望半島酒店街景,熱鬧之中帶點Romantic . 其它位置就排得比較密D,兼且貼近大檯,如果隔離檯成班人開party噤款,耳仔都幾受罪,加上呢度樓底唔高,多人既話都feel到幾"熱鬧"...呢度佈局好在係食物沿住一條長bar檯擺 , 亦即係所講既66米特長食物bar檯.基本上你坐邊都好,一行出去幾步就係食物區,爭在係放頭盤,熱葷,定甜品.先黎一碟沙律,呢度d沙律配料就略為嫌少,菜同凍肉/火腿款色都唔算好多,菜尚算新鮮,凍肉/
兼且係我吃過噤多間酒店buffet中 翻抄得最多既一間.
屈指一數,吃過起碼都有6次,dinner同宵夜各半.
呢日約左個靚女Friend睇戲吃飯,睇完戲吃酒店buffet其實已經係我地既指定動作.
係openrice度見到有新主題幾吸引&未一齊係呢度吃過,所以就揀左呢度啦.
dinner由6pm到9:30pm,我地大約6:45pm walk in
呢日係閒日加上時間尚早,坐得大約1半人到
窗口位比人book曬,比左窗口位對出果檯我地,都ok啦,最緊要有位
環境方面,唔算特別靚,佈局整齊,窗口有d係2人sofa位,燈光略暗,檯頭點起蠟燭,窗望半島酒店街景,熱鬧之中帶點Romantic . 其它位置就排得比較密D,兼且貼近大檯,如果隔離檯成班人開party噤款,耳仔都幾受罪,加上呢度樓底唔高,多人既話都feel到幾"熱鬧"...
呢度佈局好在係食物沿住一條長bar檯擺 , 亦即係所講既66米特長食物bar檯.基本上你坐邊都好,一行出去幾步就係食物區,爭在係放頭盤,熱葷,定甜品.
先黎一碟沙律,呢度d沙律配料就略為嫌少,菜同凍肉/火腿款色都唔算好多,菜尚算新鮮,凍肉/火腿都係一般野. 現成既有長通粉沙律,泰式酸菜沙律,大蝦粉絲,大約4,5款,但味道平平,大蝦粉絲比較吃得過,整體黎講沙律呢part做得唔太突出..
到熱葷,主題叫做"肝膽相照",其實係多左鵝肝同海膽既菜色,入坐時會每人派張card仔,可以換一份火焰鵝肝,原塊鐵板燒鵝肝,配一件法包,鵝肝兼得唔算好油,入口即溶,味道唔錯,不過1人得1份,份量亦唔多,得一小件,有d唔夠喉既感覺,如果有兩份既份量會好d.
其它特色熱葷有 西班牙烤乳豬釀鵝肝野米飯 , 外皮香脆,中間包住鵝肝野米飯,既特別又好吃,都吃到有少少鵝肝味,我地吃左都有好多件.(開頭個個都拿,兼且一碟出得幾件,但後期就好充足,唔驚無得吃)
另一款主題食品 大吟釀三文魚柳配魚子醬鵝肝慕司 就成晚都唔見有,只見bar台有呢個牌仔..呢樣就可惜d
啤酒蒸海膽乳龍蝦 就幾特別,海膽乳有清清地既啤酒味,好滑.龍蝦雖大但肉少,供應充足,吃到你夠.
另有一樣鵝肝醬炸蝦球,蝦肉爽脆,好鮮甜,但好似吃唔出有鵝肝醬味
到本身原有既熱葷,都係D大路野,本身都黎呢度吃過幾次,d一碟大碟既熱葷無乜點吃
本身bar台最尾果度原本係放中式點心,可能呢期做緊既主題關係,變左一堆印度食物
O加O里類,印度薄餅類(有師傅係度即整,夠曬新鮮,但睇落去好油,無吃到)
有款O加O里魚/豬頸肉好好吃,但辣左少少,唔係個個都吃得辣.呢度dO加O里普遍都偏辣
想吃大舊肉既話,呢度有鐵板料理,個燒火腿,味道唔錯,個鐵板炒雜菜都幾受歡迎
鐵板料理既野吃款式真係得好少,如果有多d款揀就好...
餐飲方面,呢度有熱紅茶,coffee,鮮奶,lemon片放係度自己搞惦,
特色d既有"珍多冰",比杯刨冰你,自己加料(涼粉,西米,椰果,雜果,紅豆....)
又有幾款糖漿(薄荷,櫻桃,士多啤梨,原味),自己沖返杯,夠特別..
到甜品,呢度最出名係梳乎厘,但制作需時,供應唔多,我地好好彩地拿到4個陳皮海膽梳乎厘.
真係幾好吃,但所謂陳皮海膽,只係面有一塊仔陳皮(仲要焗到苦既),海膽?(有咩?吃唔出)
真係正正經經出返個梳乎厘好過,無謂作個名,整dd野,當新野..
其他既蛋糕味道都唔錯,pancake整得好靚,值得一試
但麵包布甸就整到成兜倒汗水,無人問津(可惜!,我最鐘意吃既甜品竟然搞成噤..)
Häagen-Dazs雪糕你就可能吃得多,但炸Häagen-Dazs雪糕你就可能未必吃過
呢度既炸雪糕,係筆一球雪糕落蛋漿,放落高溫炸到金黃.
咬落去仲feel到雪糕既冰凍,真係幾特別
到最後吃左球超酸既桑果味Häagen-Dazs雪糕結束呢餐...
埋單358$/位加一,有8折,
3百20幾一位黎講算係中價,呢度定期換主題,有新野吃.
印象中會定期轉主題既得呢度同埋麗景酒店
亦都係呢個原因先會黎吃幾次,有新鮮感.
對上一次既魚子醬主題,同埋呢既鵝肝海膽主題都算幾滿意,
本身原有既熱葷可以做好D更佳.
期望下一次既主題可以做得更好.
ps:呢度既宵夜好旺場,野吃同dinner比就少左d特色熱葷同埋生蠔,魚生,以價錢黎講真係好抵吃,
我本身都吃過幾次,建議未吃過呢度既,可以試完宵夜buffet,再唸試唔試下dinner buffet..
Post
