新仙清湯腩咖哩專門店 (Closed)

新仙食牛腩都幾出名，仲要叫到自己係咖喱牛腩專門店，一於試下佢喇。叫左個套餐就搞到成枱都係野，等我逐個食暈佢先。金牌咖喱牛腩睇落好細，但其實份量都唔少。咖喱牛腩辣得黎又好惹味，真係餸白飯既不二之選，超開胃。搞到筆者白飯都叫左 2碗。新鮮惹味既咖喱牛腩小食拼盤(鯪魚餅, 青椒釀鯪魚肉)黑白胡椒牛尾幾受歡迎既小食，味道有d 咸，加埋有2種胡椒又香又辣，餸飯食都唔錯。蜂蜜薑汁薏米水食到成口辣味？怕熱氣？飲番啖薏米水即刻舒服哂。杯薏米水仲加左蜂蜜，飲落好潤喉，有咩熱氣都唔駛怕喇～