權八居酒屋 (北京道一號)

Open Now

Now Closed

自從小朋友出世後, 加上covid, 出街食好西既次數真係比較少, 好友推介呢個權八”Night Vibes”宵夜套餐(每晚9pm-11:30pm供應), 可以趁小朋友訓著後出動, 啱晒我。有2個套餐選擇 (炭火串燒拼盤($328/2人份量) 同埋 揚物拼盤($198/2人份量), 由於眼濶肚窄, 加上有選擇困難症, 我地豁出去2款都試晒。燒三文魚腩同雞腎外面脆脆地, 裡面好juicy, 正! 鰻魚同汁燒雞串就好惹味, 佐酒一流, 難怪我老公一個人好離譜咁飲左4杯cocktails(cocktails有四款, 全部買一送一)。揚物係即炸,熱辣辣, 炸蠔、炸蝦我最愛, 隨餐既腐皮温泉蛋, 有驚喜。餐廳最大賣點, 係佢個180度維港景, 望住個景, 食好西, 傾下計, 疲倦嘅爸媽終於有機會好好輕鬆一下。