Video
Read full review
2019-05-19
372 views
寫m記食評好似無無謂謂咁，但今次m記咁創新出宜家熱爆全城嘅芝士奶蓋，就真係要寫下喇。本身都鍾意飲呢類港女至愛嘅飲品，今次m記app比晒coupon免費試飲就梗係要試下！免費嘅得兩個味可以揀，四季春同齋啡。感覺上奶蓋好似同茶夾啲，都係揀番四季春啦。奶蓋份量唔少，第一啖飲個奶蓋的確有芝士味。茶就好一般，可能因為多冰嘅關係，茶味好淡。兩者溝埋之後，奶蓋嘅芝士味亦都明顯減弱。奶蓋上面佢都有落到啲topping,一開始以為係抹茶粉，點知係茶葉黎，脆卜卜咁，口感有啲奇怪，個人認為唔加好過加。原價25蚊黎講，真係好唔抵飲，質素好一般。但可能免費嘅關係，可能員工都做唔切先咁。見個app仲有張買一送一券，過兩日試埋其他口味先！
本身都鍾意飲呢類港女至愛嘅飲品，今次m記app比晒coupon免費試飲就梗係要試下！免費嘅得兩個味可以揀，四季春同齋啡。感覺上奶蓋好似同茶夾啲，都係揀番四季春啦。
3 views
0 likes
0 comments
奶蓋上面佢都有落到啲topping,一開始以為係抹茶粉，點知係茶葉黎，脆卜卜咁，口感有啲奇怪，個人認為唔加好過加。
原價25蚊黎講，真係好唔抵飲，質素好一般。但可能免費嘅關係，可能員工都做唔切先咁。見個app仲有張買一送一券，過兩日試埋其他口味先！
Post
