上海婆婆 (Closed)

上海婆婆係綠楊坊開左分店啊！裝修得好靚～好似高級餐廳座位好闊落！好舒服！首先一入到去店員服務態度好好，好快幫我落單，上菜速度都好快，啲嘢食都係熱辣辣上到來，效率好好，唔係癱到啲餸凍哂！！！叫咗兩杯凍豆漿，豆漿唔會太甜，而且有豆味！！！醉雞，雞肉啖啖肉 ，雞肉夠滑，好香花雕酒味！！ 食上海嘢一定要食小籠包啦！ 皮好薄 而且好juicy , 攞筷子夾起就感覺到滿滿的肉汁！！！一啖擺落口！正啊！必食必食！！！排骨拉麵🍜 真係好大碗，兩個人都食唔晒！連喋菜都好大，兩個人食就岩岩好！！！ 所以真心低食！！！甜品推介：香蕉高力豆沙，口感似棉花糖，香蕉同紅豆味超夾 整體而言，環境好！服務好！味道正！份量多！！！