Video
Read full review
2021-04-16
179 views
提起新加坡米芝蓮指南推薦小販美食，必定諗起海南雞飯！疫情關係被困咗喺香港一段時間，我真係好懷念新加坡呢個美食。其實「天天海南雞」已經登陸香港好幾年，今日就嚟ELEMENTS分店以解相思之苦。一入座，店員就奉上熱茶，仲向我哋逐一介紹呢度嘅signature⋯Manu上嘅菜式選擇都頗多，而且佢所介紹嘅signature都唔少，真係花多眼亂！食物我哋就揀咗雙果沙拉、黃金軟骨、芥末花螺、牛肉中嘅Hermes（芥末和牛）同埋呢度嘅人氣爆棚招牌菜（天天海南雞）。雙果沙拉喺沙律嘅基礎上加上牛油果同無花果，配上紅菜頭汁⋯用料新鮮，酸甜醒胃，而且仲加入果仁，口感層次非常豐富，啖啖都有果仁香，真係非常好食！黃金軟骨呢個小食都好有驚喜！軟骨炸得酥脆，外層由香濃嘅咸蛋黃包裹住，每一啖都juicy無比。佢個份量都唔少，我哋兩個人食略嫌有啲膩，四個人一齊share就perfect喇！雖然膩，但真係好好食😋芥末花螺為增加視覺效果，廚師以乾冰營造煙霧，仙氣十足，賣相💯！花螺味道鮮甜爽脆，拌上芥末同醬油，好fresh好好味！食完花螺，千祈唔好漏咗墊底嘅青瓜，青瓜清新爽口，蘸上芥末醬油，清新無比，亦可一解之前黃金軟骨嘅膩
疫情關係被困咗喺香港一段時間，我真係好懷念新加坡呢個美食。其實「天天海南雞」已經登陸香港好幾年，今日就嚟ELEMENTS分店以解相思之苦。
一入座，店員就奉上熱茶，仲向我哋逐一介紹呢度嘅signature⋯Manu上嘅菜式選擇都頗多，而且佢所介紹嘅signature都唔少，真係花多眼亂！
食物我哋就揀咗雙果沙拉、黃金軟骨、芥末花螺、牛肉中嘅Hermes（芥末和牛）同埋呢度嘅人氣爆棚招牌菜（天天海南雞）。
雙果沙拉
喺沙律嘅基礎上加上牛油果同無花果，配上紅菜頭汁⋯用料新鮮，酸甜醒胃，而且仲加入果仁，口感層次非常豐富，啖啖都有果仁香，真係非常好食！
雙果沙拉
17 views
0 likes
0 comments
10 views
0 likes
0 comments
黃金軟骨
呢個小食都好有驚喜！軟骨炸得酥脆，外層由香濃嘅咸蛋黃包裹住，每一啖都juicy無比。
黃金軟骨
13 views
0 likes
0 comments
佢個份量都唔少，我哋兩個人食略嫌有啲膩，四個人一齊share就perfect喇！雖然膩，但真係好好食😋
芥末花螺
為增加視覺效果，廚師以乾冰營造煙霧，仙氣十足，賣相💯！
芥末花螺
33 views
0 likes
0 comments
花螺味道鮮甜爽脆，拌上芥末同醬油，好fresh好好味！
食完花螺，千祈唔好漏咗墊底嘅青瓜，青瓜清新爽口，蘸上芥末醬油，清新無比，亦可一解之前黃金軟骨嘅膩感。
芥末和牛
估唔到原來芥末、蛋黃醬同牛肉都可以做friend！醬汁既唔會掩蓋牛肉本身嘅牛油香，亦可以提升其鮮味，而且一啲都唔刺鼻，抵讚！
芥末和牛
18 views
0 likes
0 comments
天天海南雞
壓軸登場就係呢度嘅人氣爆棚招牌菜-天天海南雞！海南雞無論雞種同製法都同新加坡總店相同，務求令大家喺香港都可以品嚐到新加坡米芝蓮指南推薦美食。雞肉嫩滑冇脂肪，雞皮爽滑，質感似啫喱⋯配上三款醬（黑醬油、薑蓉同酸辣醬汁），就係新加坡風味！非常滿足！
天天海南雞
25 views
0 likes
0 comments
另外，呢度仲有文昌雞選擇，店員介紹文昌雞雞味較濃，比較啱香港人嘅口味。但我哋嚟呢度就係要食新加坡風味，梗係食天天海南雞啦！
整體，無論環境、食物、服務我哋都好滿意💯
Post
