Baker Talent

Open Now

Now Closed

麵包控去荃灣搵食，經過呢間麵包店買聽日早餐。店入面嘅麵包同普通港式麵包舖有啲唔同，冇傳統雞尾呀、墨西哥包嗰啲。初初睇佢啲麵包名以為係台灣野，後尾發現係新加坡麵包店。由於隔左一晚，朝早焗返黎食，雖然個樣打左折扣，但味道依然ok! 👍上面嗰個係要推介嘅肉鬆芝士包，初頭以為肉鬆得面嗰浸，咬到一半中間有成個肉鬆山，加埋面烘到微焦嘅芝士，好香又好食。下面係芝士腸仔包？唔太記得個名，不過亦冇咩特別。接住有呢個五谷咖啡軟歐，焗返熱食中間流心，都幾rich，略嫌咖啡味唔夠。總括黎講質素好過坊間空氣包太多，下次會再試其他包！