肯德基家鄉雞 (KFC)

Open Now

Now Closed

突然炸雞引起，近近地去KFC食吧，順便試下新口味。晚飯時段都多人等拎餐，好彩自助落單機又唔多人排喎。⭐台式三星蔥脆雞滿足套餐試新口味台式三星蔥雞，炸雞還好係熱的，皮夠脆肉也嫩，但個新口味好似某牌子嘅即食麵味粉，哈哈，下次都係食返巴辣雞得啦。仲加咗錢由葡撻轉做珍珠葡撻，珍珠確實係有咬口嘅，但驚喜不大，下次都係食普通葡撻㗎喇。個餐仲有蘑菇飯同汽水，又真係幾飽肚嘅。⭐巴辣雞腿包滋味盒朋友叫咗雞包套餐，包括薯蓉、薯條、飲品同炸雞一件，價錢上就幾抵喇，不過味道強差人意。個雞包唔知係咪做左好耐賣唔出，入面塊炸雞炸到又乾又硬，連嗰兩塊漢堡包都係硬班班，咬落去嗰下真係懷疑人生。薯蓉味道正常但微溫，薯條都仲熱嘅，但係發覺佢唔記得咗畀包辣粉，返轉頭問佢拎態度當然就好有性格啦，包辣粉都唔辣，落同唔落分別不大。意外驚喜係杯凍咖啡幾好飲，汽水就正常啦。間中食下ok啦。