咖喱邦 (Closed)

開完會行過見到新餐廳就試吓，啱啱開咗一個禮拜唔係好多人，坐得都舒服。幾特別好多款唔同咖喱選擇，初初驚熱辣辣食咖喱會好熱，不過佢啲汁另上又有沙律菜，感覺清新，冷氣夠。平時唔寫食評，不過呢間服務幾好，經理好殷勤，今時今日咁嘅服務態度抵讚，希望幫手宣傳吓。個friend叫咗牛同蛋包飯，牛有成10件，個樣幾靚，抵食。我叫鴨胸，因為出邊少有，都做得唔錯，唔會太熟同鞋口，份量都幾大食唔晒。性價比接受到，希望分量細啲唔好嘥嘢。下次可以同屋企人嚟再嚟，想試吓佢啲蕎麥麵，見到隔離食幾得意，個人未見過用蕎麥麵整咖喱。