享樂烘焙

Open Now

Now Closed

享樂每隔一段時間又會有啲新款/新口味嘅麵包，最近嘅新品就當然係日日都見到有人食嘅「蜜瓜包」😛 有日去開新蒲崗，又見時間尚早就去咗享樂行一轉，諗住碰吓運氣，睇吓買唔買到3點出爐嘅蜜瓜包😙 可能因為平日嘅關係，竟然4點半都仲有兩大盤嘅蜜瓜包，仲要唔使點排隊！🤩•🥢 日本宇治抹茶蜜瓜包 $18蜜瓜包嘅奶酥餡同曲奇皮嘅抹茶味都好香濃，唔會太甜，表面嘅曲奇皮好鬆脆，要小心啲碎碎會跌到成枱都係🤣 奶酥餡喺包嘅中心填得好滿，咬入少少就輕鬆食到😌如果隔日嘅話，翻熱食會比較好，而且可以烘返脆個面，做返外脆內軟嘅口感～朋友試咗就咁食覺得偏膩🙈•🥢 伯爵茶蜜瓜包 $18呢款係新口味嘅蜜瓜包～買嘅時候，一打開個麵包櫃就聞到好香嘅伯爵奶茶味😂 不論上面嘅曲奇皮，定係入面嘅奶酥餡，都係比抹茶味嘅甜啲，而且奶味都比較突出，有少少蓋過咗伯爵茶嘅香味～🤔•🥢 焙茶麻糬貝果 $20已經食過享樂嘅bagel好幾次，都係比較鍾意蒸返熱嘅口感，會偏向軟熟濕潤啲，帶少許煙韌，撳落去嘅回彈力都幾好🤣～包體嘅焙茶味比較淡，主要嘅焙茶味都係嚟自中間嘅焙茶餡，但軟滑嘅麻糬比較甜，所以有少少蓋過咗焙茶餡嘅味😛～