馬六

Open Now

Now Closed

唔講真係唔知好順福商場差唔多裝修完喎，今日行過見佢變左身做順禮糧倉，暫時得幾間食店同超市，唔知遲啲有咩開呢😆橫掂黎到，就順便食埋野先走啦，揀左食馬六，之前食過荃灣店都唔錯。睇睇餐牌，元朗分店都差唔多，點左兩份下午茶再加小食，餐牌選擇都幾多喎。🐖巴生肉骨茶湯米粉肉骨茶先到，同餐牌上賣相差唔多喎，勁👏湯頭幾濃幾香口，米粉吸滿湯汁幾正。意外地份量大，估唔到下午茶都咁飽。🐓馬六無骨海南雞飯朋友點海南雞飯，賣相也不錯，雞件好多呢，而且雞件好滑，雞皮唔肥，但味道偏淡左啲，點下醬食啱晒。另外附上的紫菜湯都幾好飲，油飯都好香口。🐟新加坡鹹蛋黃魚皮大家都鍾意食鹹蛋黃，就叫夠兩份一人一碟。鹹蛋黃下得很多，正呀，唯魚皮唔夠脆身扣分了。🍞斑蘭咖吔多士呢樣又係超正，厚切牛油入口即瀜，仲塗左斑蘭醬，又鹹又甜真係好好味🤤🥤馬來手工拉茶&馬來桔仔紅茶餐飲叫了兩杯凍飲，凍拉茶幾香滑，唔錯飲。朋友嘅桔仔茶要左走甜，茶底同桔仔都好香，好飲。舖頭唔使加一，百蚊個人頭都幾抵食吖。