金鶴拉麵 (蜆殼街)

Open Now

Now Closed

有地膽朋友介紹，炮台山附近有間拉麵，專食雞白湯拉麵，有睇開Jennifer嘅食評就知道Jennifer係拉麵控，不過平時食開豬骨湯拉麵，今次有一個新嘅嘗試。-環境相當有日本feel！可以睇住拉麵師傅整拉麵，同師傅零距離接觸，簡直係有去咗日本嘅感覺！-史上終極最濃厚湯底雞白湯拉麵$138雞白湯湯底質地非常creamy濃滑，比一般嘅雞白湯更加鮮甜濃郁，一路食麵一路飲湯都飲晒成碗湯。麵質方面，拉麵比較粗，口感更加厚實，更加掛湯。慢煮雞柳食落去肉質好嫩滑，叉燒肥瘦適中，仲有我最喜愛嘅糖心蛋！當然唔少得炸牛蒡，記住要熱辣辣脆食啊！-值得encore嘅一間拉麵店！