Video
Read full review
2022-09-20
1158 views
BLACK SHEEP RESTAURANT 旗下既斯里蘭卡菜，刺激味蕾新味覺，辣到流口水體驗 🌶🌶🌶見到好多IG Foodie介紹呢間Hotal Colombo，啲相好似好吸引咁，特別預約佢逢星期一、二嘅優惠套餐，試吓新味道、刺激一下味蕾。先比個餐牌大家參考一下，$328 + 10%charge，期待有隻大蟹食！表示期待！ 🤩🤩🤩Table setting & interior design 有心思，岩晒扮KOL打卡 😆 入正題評論一下食物質素。食物上枱既次序唔係好跟Menu，先係嚟咗個香辣薯仔粒、椰奶醬拌青口蜆肉同埋醋漬芒果菠蘿🥭🍍青口蜆肉好新鮮，海鮮味配埋佢既椰奶醬汁係超級好食！我仲特登叫佢留返啲椰奶醬汁俾我送飯食 ☺️其餘兩個Starters係啲地道嘅斯里蘭卡小食。個醋漬芒果菠蘿真係辣到流水口（真心），應該改名做口水芒果菠蘿🌶🌶🌶，反而香辣薯仔粒就唔係好辣。不過我覺得要尊重餐廳廚師既背景同文化，餐廳應該保留佢嘅獨特性，唔好因為要遷就客人而改變調味，所以辣到流口水是正常的！然後就上左個蟹肉炒餅。蟹肉絲、椰菜、Naan炒埋一碟，真心覺得好特別！亦都冇諗過會咁好食，口感好似切碎咗嘅Ta
見到好多IG Foodie介紹呢間Hotal Colombo，啲相好似好吸引咁，特別預約佢逢星期一、二嘅優惠套餐，試吓新味道、刺激一下味蕾。
先比個餐牌大家參考一下，$328 + 10%charge，期待有隻大蟹食！表示期待！ 🤩🤩🤩
Table setting & interior design 有心思，岩晒扮KOL打卡 😆
入正題評論一下食物質素。食物上枱既次序唔係好跟Menu，先係嚟咗個香辣薯仔粒、椰奶醬拌青口蜆肉同埋醋漬芒果菠蘿🥭🍍
青口蜆肉好新鮮，海鮮味配埋佢既椰奶醬汁係超級好食！我仲特登叫佢留返啲椰奶醬汁俾我送飯食 ☺️
其餘兩個Starters係啲地道嘅斯里蘭卡小食。
個醋漬芒果菠蘿真係辣到流水口（真心），應該改名做口水芒果菠蘿🌶🌶🌶，反而香辣薯仔粒就唔係好辣。不過我覺得要尊重餐廳廚師既背景同文化，餐廳應該保留佢嘅獨特性，唔好因為要遷就客人而改變調味，所以辣到流口水是正常的！
然後就上左個蟹肉炒餅。蟹肉絲、椰菜、Naan炒埋一碟，真心覺得好特別！亦都冇諗過會咁好食，口感好似切碎咗嘅Taco一樣 🌮 如果世界上所有Wrap or Taco都可以咁樣Serve就唔洗食到成手醬汁 🤭 口感真係好得意，值得一試。
到主角Jaffana Crab 🦀 老實講有少少失望。
隻蟹睇落好龐大，點知原來得個殼，打開啲肉得殻既一半，期待左一整日見到隻蟹有啲傷心。相片睇落隻蟹鉗好大，其實蟹肉得一半 <<<有一種建築面積很大，實用面積卻很少既感覺> >> 😭😭😭 對於一個食開海鮮既人黎講，一開隻蟹就知咸水養到瘦晒 🦀 醬汁嘅調味， 完美覆蓋左隻蟹嘅唔新鮮，ig啲Foodie成日都收咗錢呃人 🤥
我覺得最出色嘅係椰香飯，有椰香味同時米飯粒粒粒分明，配埋青口既椰奶醬！一絕！🥴
餐廳侍應好似對酒冇乜了解。諗住食重味海鮮飲杯Sour & Foggy既白酒，一支大概$500，都預左佢食水深架啦，不過開心食蟹無所謂，點知隻蟹咁瘦 🥲 希望餐廳睇到個食評，幫啲蟹增肥，咁我下次先再幫襯啦。
Post
