達摩元祖麵屋 (Closed)

呢日過左寶勒巷寫字樓做野，食lunch時左揀右揀最後揀左呢間拉麵店🍜兩點幾先食lunch可能太晏同埋又平日，門店唔算多人。拉麵湯底都幾種選擇，對於我呢d有選擇困難症既人黎講真係好辛苦，店員有推介我食北海道牛乳湯底，可惜我同同事都唔鐘意牛乳最後無試到，如果大家黎食既話可以不妨試下，店員話最多人叫！我同事叫左呢個櫻花蝦味噌湯底，佢話味道好濃完全好夠味，食完個麵可以清埋碗湯都仲得🤣而我最後揀左辛辣湯底（中辣），湯唔會話得個辣字，拉麵條爽口又彈牙，叉燒非常林身，唔會話煮到爛哂咁煮得岩岩好。一啖拉麵一啖湯好濃好夾，食左咁多次拉麵我都係第一次食辣湯底，完全都真係幾夾又好味，不過下次黎我會嘗試大辣（如果食得辣既朋友中辣一定滿足唔到你😂）。