利寶閣 (Closed)

日式放題大家就食得多啦，咁中菜放題你哋又食過未呢？今次嚟到觀塘嘅利寶閣，佢地放題有兩種比大家選擇，有勁多人鍾意嘅大閘蟹放題同少啲人知嘅小菜放題。今次我就諗住試試新嘢，就試左個中菜放題，唔好諗住中菜就冇咩嘢食，佢地中菜有成五十幾種比你選擇，佢地仲有片皮鴨同美國谷飼牛柳任食。片皮鴨我都食左好幾轉🤣啲皮好脆，仲好大片tim🤣美國谷飼牛柳即叫即煎，咬落仲好淋Tim.放題每個仲送極品佛跳牆同上虎蝦天使麵！而我覺得有驚喜嘅菜式都有幾種！1. 片皮鴨2. 玻璃咕嚕肉3. 棉花雲十勝紅豆冰4. 榴槤布甸呢幾樣係我最為驚喜嘅菜式，鍾意食中式小菜嘅你地都可以去試試！