沙嗲王 (眾安街) (Closed)

每次去沙嗲王，例必叫白咖哩豬扒飯同炸豆腐，但今次因為唔太餓關係，求其叫幾個小食就算數，但試完都未知理想，真係新不如舊囉！石鍋蝦醬炒時菜 $54🥢🥢完全無蝦醬味，只是蒜粒椒絲炒通菜，即刻要求退返入廚房加蝦醬再炒過，炒完出嚟有返惹味蝦醬，但越食越咸😫石鍋清酒煮蜆 $45🥢🥢🥢蜆新鮮無沙有清酒味，石鍋保溫程度滿意，唯獨椒絲微辣影響整個味道咸蛋黃軟殼蟹(4件) $70🥢咸蛋黃味不足亦唔香，軟殼蟹炸得乾得滯，而且蟹太細太瘦無膏👎🏻大阪薯仔沙律 $33🥢🥢🥢🥢呢個有驚喜，醬汁超酸好開胃，薯蓉加有薯粒、罐頭吞拿魚同少量金菇，口感一流，唔知點解越食越好味🤤二人共消費：$222.2