飯飯店 (Closed)

廟街是香港最有特色的街道之一，遊人如鯽。好久沒去過，今晚重遊舊地，發覺變化很多，但卻好像又了無新意，已沒有以前般吸引。逛完後，就到附近炮台街找吃，即以前所謂的新填地附近，發現有間仿似地道老店，叫飯飯店，有地道小菜、招牌小炒、煲仔菜和海鮮等供應。店鋪裝飾簡單，十足地道老店。簡單點了蜜椒脆皮德國豬手 ($168)加和味雞煲 ($128半隻)。蜜椒脆皮德國豬手，份量十足，原隻豬手夠大隻。豬手外皮焗到金黃鬆脆，外皮、脂肪和嫩肉層次分明。入口外皮鬆脆 ，脂肪和嫩肉味道融為一體，肉香四溢。再配桂花蜜醬汁，十分好味。和味雞煲半隻都好大堆頭，大黑鐵煲配以石油氣爐溫火暖著，雞件大大件件，面頭舖滿芫荽，配料還有洋蔥，芫荽和洋蔥的蔥香，加上雞件散發的油香，十分惹味。雞肉亦相當嫩滑，肉汁豐富，完全發揮地道雞煲的味道。