一盅點心

Open Now

Now Closed

親戚住呢區話呢間啲點心有質素，話呢度好多點心出面都食唔到😊千島醬脆炸蘿蔔糕平時煎蘿蔔糕就食得多，估唔到蘿蔔糕都可以炸！而且除咗香口之外仲一啲都唔油膩，入邊啲蘿蔔糕真材實料！食到有一絲絲嘅蘿蔔，唔係得粉！皇牌點二人套餐呢間啲燒賣都幾出名，身為燒賣控又想食多啲唔同款嘅燒賣，又唔想用腦諗就梗係要二人套餐！懷舊燒賣王同埋帶子燒賣真係超正！燒賣啖啖肉，唔會入面食到一粒粒肥膏！而且仲有肉香！啲帶子都幾新鮮！蝦餃皇都幾皮薄，而且入邊啲蝦肉唔會有胡椒味，覺得超級新鮮！XO醬菜苗餃真係超級可愛，好似日本啲腐皮壽司咁，佢係中間無封住，可以等啲餡料露出嚟🤩🤩同樣都係啲皮好薄，而且啲餡料超多！好鮮味🥰🥰黑金流沙包，超熱辣辣，而且唔算超級甜😝飽肚靚湯套餐叫咗個金針雲耳雞飯，啲雞夠晒滑而且成個套餐份量都好大螺頭燉竹絲雞湯超真材實料，而且要飲得出冇落味精！食完成餐飯返到屋企都唔口渴😜😜