Video
Read full review
2009-08-21
13 views
老朋友揀地方同菜式我揀餐廳想坐得舒服, 中環, 意大利餐...最後揀咗試呢間比較少食評但望落試得過o既佢有我心愛o既蠔!!可惜朋友呢期食唔得海鮮, 要忍口但都試咗幾隻唔錯o既蠔款濃味Irish啱晒我! Encore咗一隻. 個人認為係全晚精粹所在, 的的骰骰, 全場最mini係佢, 但肉地爽, 夠肥, 味濃, 食完一隻後個味道留响口腔達兩分鐘之久! 連舌上都會殘留佢獨特o既質感... 絕對不能睇"小". 係只需一隻已足以回味無窮o既"必食"之選肥美Gillardeau滿足口感, 有好重海水o既咸味. 相對美國蠔o既重量級或者有一段距離, 但味道搭夠又令佢扳回一城南非蠔令人躍躍欲試, 朋友試咗, 佢話唔錯法國珍珠蠔爽口清甜, 啱做warm-up, 或者唔好重味蠔o既朋友澳洲冇試, 但應該相較Irish同Gillardeau會失色罷. 呢晚留佢唔試住都係好o既.weekday night, 佢俾咗個落地玻璃corner位我哋個view 都好好, 13樓夠開揚, 加上中環特色, 有幾分classy朋友話燈光暗, 但我覺得都OK -- 睇Menu要放枱面囉嗰度應該打算主力成為食蠔o既餐廳單係蠔
老朋友揀地方同菜式
我揀餐廳
想坐得舒服, 中環, 意大利餐...
最後揀咗試呢間比較少食評但望落試得過o既
佢有我心愛o既蠔!!
可惜朋友呢期食唔得海鮮, 要忍口
但都試咗幾隻唔錯o既蠔款
濃味Irish啱晒我! Encore咗一隻. 個人認為係全晚精粹所在, 的的骰骰, 全場最mini係佢, 但肉地爽, 夠肥, 味濃, 食完一隻後個味道留响口腔達兩分鐘之久! 連舌上都會殘留佢獨特o既質感... 絕對不能睇"小". 係只需一隻已足以回味無窮o既"必食"之選
肥美Gillardeau滿足口感, 有好重海水o既咸味. 相對美國蠔o既重量級或者有一段距離, 但味道搭夠又令佢扳回一城
南非蠔令人躍躍欲試, 朋友試咗, 佢話唔錯
法國珍珠蠔爽口清甜, 啱做warm-up, 或者唔好重味蠔o既朋友
澳洲冇試, 但應該相較Irish同Gillardeau會失色罷. 呢晚留佢唔試住都係好o既.
weekday night, 佢俾咗個落地玻璃corner位我哋
個view 都好好, 13樓夠開揚, 加上中環特色, 有幾分classy
朋友話燈光暗, 但我覺得都OK -- 睇Menu要放枱面囉
嗰度應該打算主力成為食蠔o既餐廳
單係蠔呢方面sell得好落力
不過咁親切, 一定加分
鐘意人哋開蠔起埋帶子位
雖然有海水味, 不過懷疑佢有洗蠔... 下次要問問佢
其他食物唔係試咗好多款, 揀餐廳時唔知朋友要戒海鮮, 因此有好多都唔會叫
最後都食咗保險o既肉醬千層面 -- 有驚喜喎. 味道濃得嚟都算適中. 佢用嗰隻芝士令個dish有種同出面唔同o既口味, 突圍成功, 面頭焗到燶燶地, 增強口感, 個好似salad咁o既source味道都好夾, 份量亦perfect, 2-3個人share啱啱好唔會太飽或覺膩
薯條, 即叫即炸, 好味, 夠粗, 落咗herbs, 用個籃上, 但冇賣點
啲自家source略嫌淡同稀, 點好多都冇乜味... 佢哋問我哋四款source最鐘意邊隻, 我哋冇辦法真係只能辜負佢自製醬o既心思, 答佢係 -- 茄汁... 希望真話可以幫到佢
Carpaccio夠薄, 但味就真係冇咩特別, 鮮味欠奉. 或者加少少黑醋橄欖油唔知會唔會幫到手...
甜品係心太軟
第一次失敗咗, 佢即刻整過俾我哋仲加送一件應該係冇經過介紹o既Lychee Mouse. ]
哈哈, 不得不幫佢哋講多幾句好話
第二次個心太軟十分成功
唔會太甜, 面頭夠燶, 細細件但勁多choco-filling 流出嚟
伴碟雪糕球都好~~好味
係一間適合三兩知己食個靚飯, 傾計, hae吓o既好選擇.
成個感覺好relax, 冇咩好strong好fancy o既factor, 但係係可以同最好o既朋友去嗰種感覺
(又可能關同邊個食事啦)
service都幾domestic feel
6個親切, 9 個友善, 但唔好expect佢十分之professional
總之有求必應, 唔會黑面, 客人可以好casual
做生意從來都應該有strategy
呢次佢sell到我
Post