彩興來來火鍋 (Closed)

今日朋友新居入伙，搬咗去將軍澳帝景灣度住，佢話好在有屋企人幫手，啲首期先攪得掂，裝修又使咗一大舊錢，真係又排供，好在兩公婆都有份高收入嘅工作，每個月都會有錢儲起， 上咗佢新屋度參觀真係装修得好靚，佢話一場嚟到，不如食埋飯先走啦，係佢屋企樓下有間彩興來來火鍋店，就落去睇吓有冇位，人都好多，但好在我地4個人，位都易揾啲，入去座底，伙記就話可以係点餐紙上選擇湯底及配料，我話凍凍地不如要個胡椒豬肚湯做火鍋湯底啦，配料朋友揀咗手切本地雪花肥牛，蔬菜拼盤，蟹籽墨魚滑，日本黑豚五花腩，鮮雞件，飲品要咗日本啤酒Asahi，湯底先到，係先把胡椒豬肚爆香，再加湯煮滚約十分鐘，飲完湯再淥嘢食，湯嘅味道辣辣地，幾好味，跟住先放蔬菜拼盤嘅、番茄同埋粟米落去先，等舊粟米煮耐啲先入味，咁就最好食，日本黑豚五花腩，肥瘦適中，沾少少自己配嘅醬油，味道一流，鲜雞件就算淥耐咗啲都好滑，重有嗰墨魚滑都好好食，最後一提係手切肥牛，真係冇得頂，牛味濃郁，好快一碟肥牛就俾我地食晒。