必勝客

Open Now

Now Closed

新年去到朋友屋企玩，咁啱就到肚餓啦， 當然要食返啲野醫醫肚，我哋就叫咗個芝味七重奏，仲要係芝心批，我係等左差唔多半個鐘啲嘢食就黎到啦，入面有一個葡國飯一個薯蓉一盒雞翼同一個Pizza ,而份量你講嘅話都夠嘅，重點係個芝士味七重奏，雖然個批就細細個但係真係好好食，可能有人認為啦，呢度得咁少野夠交人食啊，但係其實陪賣晒嘅話，就好夠啦，有飯有薯蓉，已三個人來講都係足夠食嘅，個飯都幾好食，雞肉都落得幾多，可惜個汁多水搞到啲飯有少少濕，而個薯蓉啦到時有少少乾，依雞翼反而係入面比較好食嘅，佢唔似我哋一般出街食嘅好乾嘅雞翼或者係好少肉嘅雞翼，多汁又啖啖肉，真係令人好難忘呀， 不過今次重點係個批度，如果有朋友鍾意食嘅話一定要叫呀