西樹泡芙 (沙田站)

Open Now

Now Closed

就黎又到新年，梗係要返屋企團年，來到火車站突然傳黎陣陣泡芙香味，見到呢間「西樹泡芙」，就一於買返幾個作為飯後甜品啦。流心奶黃肉鬆 :見到呢款新年特別推出嘅新口味，就梗係要試下啦。泡芙面頭鋪滿肉鬆，一切開即刻流出大量奶黃，食落奶黃唔太甜，配埋肉鬆，味道鹹鹹甜甜，比起平時食到嘅泡芙更有特色。芒果乳酪 :泡芙夾住幾粒大大粒嘅芒果，賣相非常吸引。芒果入口好鮮甜，配埋乳酪忌廉食，酸酸甜甜食落無咁膩。Oreo脆脆 :上次試過呢款Oreo脆脆，已經覺得好鍾意，所以今次要encore，大量Oreo碎夾係泡芙中間，入口濃濃Oreo味，真係食多幾次都唔會厭。