Video
Read full review
2019-02-18
732 views
新年傳統上家家戶戶都要有骨落地（即係有肉食），今次我地一家（其實只係兩大一小…XD）就反傳統，一於黎過有菜落地！ 不過你知啦，新年流流要食素，又唔知開舖未，都唔知邊間好。所以！就去左素食既混戰區之一：觀塘。點解咁講，不知不覺呢到已經有唔少既素餐廳，而大部份都係上樓既（觀塘人/打工仔真好啊！） 今次就黎左係東廣場裡面既「Veggle Cafe」。係呀，聽個名都估到係西式，通常新年都食中菜，但我地去左食西式呀。一來近地鐵，二來有開，三來黎過，四來係咩呀？當然係因為好食啦～食野先食間野個殼。去過東廣場都知，地面果層都幾多野食，不過相對啲舖都比較細。但麻雀雖小，五臟都係有既！一眼望埋去，招牌幾可愛，裝飾唔多，但又有啲colorful，都算靚麻雀黎！然後一睇menu唔洗點諗即叫左兩個餐：1) 焗雜菜批配蕃茄汁（粟米糕、甜椒、茄子、素芝士）2) 牛肝菌什菌栗米露荀腰果汁意式糙米飯到呢到點都要先講個沙律。沙律係自選，自行到中間個櫃到揀，個人覺得呢個位係全店最正，見到都已經好吸引！（而且好似係會轉款添）岩岩講完沙律，轉個頭就馬上出場！我地分別叫左黑椒麻油西蘭花同薄荷香草汁雜菜（配羽衣甘藍）。前者係簡單
不過你知啦，新年流流要食素，又唔知開舖未，都唔知邊間好。所以！就去左素食既混戰區之一：觀塘。點解咁講，不知不覺呢到已經有唔少既素餐廳，而大部份都係上樓既（觀塘人/打工仔真好啊！）
今次就黎左係東廣場裡面既「Veggle Cafe」。
係呀，聽個名都估到係西式，通常新年都食中菜，但我地去左食西式呀。一來近地鐵，二來有開，三來黎過，四來係咩呀？當然係因為好食啦～
食野先食間野個殼。
去過東廣場都知，地面果層都幾多野食，不過相對啲舖都比較細。但麻雀雖小，五臟都係有既！一眼望埋去，招牌幾可愛，裝飾唔多，但又有啲colorful，都算靚麻雀黎！
然後一睇menu唔洗點諗即叫左兩個餐：
1) 焗雜菜批配蕃茄汁（粟米糕、甜椒、茄子、素芝士）
2) 牛肝菌什菌栗米露荀腰果汁意式糙米飯
到呢到點都要先講個沙律。
沙律係自選，自行到中間個櫃到揀，個人覺得呢個位係全店最正，見到都已經好吸引！（而且好似係會轉款添）
岩岩講完沙律，轉個頭就馬上出場！
黑椒麻油西蘭花，薄荷香草汁雜菜（配羽衣甘藍）＋南瓜湯
30 views
0 likes
0 comments
我地分別叫左黑椒麻油西蘭花同薄荷香草汁雜菜（配羽衣甘藍）。
前者係簡單左啲，不過個汁真係好香，唔留口既話真係幾秒就想食哂佢；而後者同樣個汁好香，加上最近都多左見到既「超級食物」羽衣甘藍同藜麥，夠哂營養。另外特別既係當中有柚子肉，好味！
跟餐既南瓜湯亦有誠意喎！裝南瓜同薯仔打爛，加入少量黑椒，sorry，有冇得添飲？
個胃engine開順左，跟住就黎兩位主角！
焗雜菜批配蕃茄汁（粟米糕、甜椒、茄子、素芝士）
30 views
0 likes
0 comments
唔洗講野，睇個賣相已經好誘惑，想成個口將佢擁有！
又係一味唔覺自己食緊素既菜式。素芝士同蕃茄汁香濃，切感同口感都good！
拿拿臨試埋第二位佳麗！
岩岩果位香濃誘惑，呢位就清新脫俗。
牛肝菌什菌栗米露荀腰果汁意式糙米飯
22 views
0 likes
0 comments
不過真係好清新脫俗（真係要講兩次）。事關呢個啲甘荀味真係好勁，當然我係食甘荀既人，唔知其他人覺得點，因為陣味真係勁到好似有種食緊中藥既感覺！但營養值係好高嘅～
個餐重有兩杯野飲跟，不過因為相對普通，所以就唔介紹喇～總之都係好飲架啦。
不過係到題一題，如果飲凍豆醬，佢係會比支膠樽裝你。食素，都係為愛護環境，所以如果可以，就飲熱架啦（而且其實都好快變暖）～
Other Info. :
間野個名我一直都以為係「Veggie Cafe」，今次先留意到原來係「Veggle」XD
(The above review is the personal opinion of a user which does not represent OpenRice's point of view.)
Post
