川莊

Open Now

Now Closed

🧧新年緊係食d 紅噹噹野食啦🧧～🏮祝大家新年快樂🏮～歲晚約左我妹去買新衫行街，行到好攰又肚餓，想坐得舒服又2個都鐘意食辣野，就去左朗豪坊食川莊。咁仲好啦，食烤魚應下節🤣一坐低服務員會上杯八寶茶俾你，甜甜地有d 炒米杞子喺入邊，幾好飲，如果鐘意係可以買返去的，而座位都好闊落，有d 紅黑既中式裝修，幾有氣氛。(前菜）醋香辣蘿蔔$43集合咸酸辣味，好爽脆，我鐘意食呢個呀，食下食下就一碟🫢(前菜）川北涼粉$62味道幾好，有蒜，酸酸地，紅油辣汁，不過涼粉太易夾散，如果個涼粉再實淨D 就好。酸辣鴨血烤魚$348 (配菜：海帶結、蓮藕片、木薯粉條）我地揀左江團魚，大部份時候我去食烤魚都揀呢款魚，一黎到，夾起小量魚肉，已經好入味，帶有些小孜然粉味，鴨血就要再等耐d 煲入味D 先，而木薯粉條好有口感，海帶結易咬易索湯汁，蓮藕夠爽，最勁既係，我地食左差不多2小時，但仍然唔需要加湯😱700ml 特大新鮮水茶 $62入面有火龍果，士多啤利，甜甜地既菜，都幾解渴。我仲見到好多人嗌水煮野，下次都試下先。