張公館

Open Now

Now Closed

新年黎港島同長輩拜年，順便飲茶。呢到午市全院滿座，非常受歡迎。係29樓遠眺維港呢個靚景，景觀滿分。新年呢度有不同好意頭的賀年點心，我地點了發財好市大利燒賣燒賣上面放了厚肉花菇軟腍入味，豬脷鮮嫩有彈性而且無異味，一籠點心便包含了大部分的應節食品。節節高升(百花竹笙)呢個手工菜，很少地方可以食到。係竹笙入面釀入蝦膠，加上蛋白煮成的芡汁，食到食材的原始味道，又沒有負擔。年年有餘(奶黃金魚餃)金魚餃好吸睛，望落好神似。餃子外皮通透，入面餡的蛋奶香味濃。香煎黃金糕黃金糕四大件，發酵成蜂窩狀質地。表面煎到香脆，食落濃濃椰香味道，口感煙靭，又不會過甜。脆脆笑哈哈 腸粉皮薄幼滑，加上脆卜卜金黃色的網皮和彈牙大蝦，口感豐富，值得一試。生磨蛋白杏仁茶杏仁的香氣四溢，飲落滑不溜口，蛋白絲都好柔滑，好滋潤。今餐大家都好滿意。餐廳果然沒有另大家失望。