金泰棧

Open Now

Now Closed

新店開咗一段時間，終於可以用Open Rice訂位，店內裝修新淨，座位比舊店寬敞，店員服務殷勤。綠色泰奶唔係我點嘅，問番飲家，佢話比原來嘅泰奶無咁甜，飲到最後綠茶會帶點苦。差不多每次都點嘅鹹檸七鹹鹹甜甜，好解渴。泰式酸辣無骨鳳爪，少貴，同一般食開嘅味道無大分別。鐵板蠔仔蛋，蛋同蠔仔都好豐盛，仲有好多芽菜添，鐵板上熱辣辣，蛋味香，蠔仔鮮，一定要醮辣椒醬，好味。乾炒金邊粉酸酸甜甜，好開胃，炒得夠乾身，有花生碎嘅香同芽菜嘅清爽。泰式火車炒飯，好有鑊氣，但比較普通。泰式拼盤，炸雞棗、炸蝦餅同香茅魚餅好好味，但春卷炸過火，燶之餘裏面粉絲乾硬，又充滿油炸味，唔好味。最後仲送上甜品，唔太甜嘅大菜糕，為這個聖誕節午餐劃上完美句號。