Lady M

Open Now

Now Closed

其實平時周不時都會去食下lady M，做下港女。今次專誠你到沙田就係想試焦糖海鹽嘅香港限定千層蛋糕，點知我三點去到已經賣晒！ ！ ！ ！ ！排隊排到半個鐘先知道賣晒，咁又冇理由吾牌架嘛，咁咪照食囉！叫咗個玫瑰牛奶，佢個樣整得好靚，但係上面嘅食用花瓣我覺得個味道有啲唔自然，雖然我冇食佢，但係已經聞到好大陣味人工嘅味道，有少少似擺衣櫃嗰啲乾花味。牛奶嘅未完全cum過咗玫瑰花味，呢杯飲品如果值60幾蚊，我覺得真係好唔抵。而呢個green tea嘅千層蛋糕，明顯係雪得唔夠凍，好快就已經出水咁，一夾落去唔會層層分明。不過好在個抹茶味係好食嘅，同忌廉嘅幼滑都幾夾。不過都係果句，呢個價錢肯定唔值。