銀座•鮨

Open Now

Now Closed

嘉湖銀座新店終於有時間來試下，午市就算成點幾都滿座，睇來都幾受街坊歡迎。費話完畢，正題。午餐選擇唔算多，正正常常。牛油果軟殼蟹手捲，軟殼蟹比較細隻，而且不是即炸，一般。壽司定食點了多飯都係比較少飯，唔知係無多到還是已經多咗，魚生都切得正常厚，但新鮮程度一般，無咩原本食材味道。定食配的烏冬都係一般，海苔比較硬身。芝士年糕是即炸，熱辣辣幾好食。比目魚定食，個比目魚醃製過，蓋過曬個魚味，配白飯係好，但個白飯就完全無飯味冇黏性，怪怪的，唔似用日本米。雞軟骨餃子一樣熱辣辣，唔錯。無錯，又係妹仔大過主人婆，小食做得唔錯，但個主食就好一般，價錢正常，但如果質素可以高點我又唔介意貴點的程度。店員有禮，環境清潔，上菜速度正常，希望食材上可以改進。