順譽滷味大王

Open Now

Now Closed

北帝街新開嘅潮州菜餐廳。有堂食有外賣。而家做緊優惠，外賣仲有九折！🌟大掌翼 $98佢哋嘅滷水味道好香好細緻，又唔會太鹹。即使係滷得咁入味嘅鵝掌翼都唔會過鹹。🌟獅頭鵝片拼墨魚 $148鵝皮非常厚，唔肥但係好重鵝油香。鵝片嘅肉質彈牙易咬，比起喺其他地方食到嘅嫩好多。墨魚嘅份量超多，質地柔軟而且鮮味十足。🌟韭菜豬紅 $48全枱最濃味一定係佢！好重沙嗲醬味道，仲有少少豆瓣醬嘅辣味。豬紅爽但而且一啲都唔腥。🌟鹹菜豬肚湯 $68鹹菜味道冇想像中咁重，反而好食到雞肉嘅鮮味！豬肚嘅份量都唔少。估唔到$68夠晒兩個人食。