檸檬冰室 (中海日升中心)

Open Now

Now Closed

因為鋪租一事令到大家都好熟既檸檬冰室終於開業，今日黎開觀塘專登兜過黎試下佢。下午茶時間人流唔算好多，大概坐到6/7成左右。首先當然要試一試佢既波蘿油先，13蚊一個又唔算貴喎！ 新鮮出爐個包仲係暖既，正！酥皮香脆而個包係軟熟既，但略嫌塊牛油太薄，唔用手整開都見唔到。。。另外叫左個滑蛋叉燒飯，份量好足！估唔到下午茶都甘大份，滑蛋摭左一部分，厚切叉燒足足有六舊！肉質算幾好既，而滑蛋都炒得唔錯。可惜色水比較少，成碗飯好似無落汁甘，扣左少少分。整體黎講係幾好既，下次黎可以試下佢既午餐。