霜月居酒屋

Open Now

Now Closed

最近佐敦夜繽紛發現左間新開居酒屋，晚飯好多菜式選擇，見到每樣都想試，黎到份量都幾大， 質素都唔錯，食到好飽， 好抵食～♡特選壽司盛-霜 $198（赤身，油甘魚，三文魚，紋甲魷魚，甜蝦，穴子，左口魚邊，海膽）海膽超甜，魚生都好大件， 好新鮮，每件都好味。♡左口魚邊壽司 $38自己最愛左口魚邊， 由其是炙燒， 入口即溶， 油同飯嘅比例岩岩好～♡軟蟹卷$168一碟有8件， 好多牛油果&蟹籽，軟殻蟹亦炸得好好味。♡厚燒仙苔牛舌 $48好厚實彈牙，而且好大塊，超正～♡清酒煮大蜆 $88上碟好靚， 有隻海帶蝴蝶，蜆真係好大粒，清甜無沙。♡海膽炒飯 $188炒飯壓得好實所以好大碗， 海膽同炒飯分開，可能唔想浪費左海膽， 賣相都幾靚。