Video
4-min walk from Exit A, Jordan MTR Station
continue reading
Telephone
23333768
53638201
Opening Hours
Today
12:00 - 23:00
Mon - Sat
12:00 - 23:00
Sun
Closed
Above information is for reference only. Please check details with the restaurant.
About Reward Scheme
Offers
落雨濕濕嘅天氣，令成個人都悶悶不樂。今次來到佳佳甜品附近覓食，覓到呢間星期一來講都幾多人嘅日式居酒屋🏮/紅酒蕎頭$48/係呢啲開始悶熱嘅日子食，即刻感到開胃又酸爽🧅/特選壽司盛-霜$198/壽司食得岀係手握而唔係機握。刺身夠曬新鮮，海膽creamy又帶甜，好滋味呀～🍣/求其卷$128/呢個原理同「角切魚生飯」應該類同，卷物入面有大概5款刺身，口感都唔錯嘅🍥/雜錦天婦羅$128/總類至少6款，每款都係大大件，脆衣薄身，更能食到食物原本嘅鮮味🍤/黑豚車厘茄卷$28/有黑豚嘅肉香再加車厘茄嘅清爽，呢個配搭食落濃郁而唔油膩🍅/大蔥雞肉串$33/呢個都算係今晚嘅MVP之一🎖️呢個經典配搭可以食得出雞肉又嫩又香嘅感覺同埋燒大蔥個份焦香同草清味，令整體油膩度大大減少🍢/日本雞丸$33/呢個都幾出色，食到燒完出來嘅油脂香🍡/燒雞脾菇$23/🌱我以為食緊燒雞肉😳咬落去係juicy嘅，加埋椒鹽真係有浸「雞」味🍄
continue reading
星期五收工想Rᴇʟᴀx吓，咁就去咗位於佐敦嘅呢一間居酒屋 ，呢一帶相對較少居酒屋，裝修簡單帶有日式風格，坐位都寬落嘅，叫嘢食先🤩蟹肉沙律 $78份量夠哂巨型，成座山咁😂 喺山頂會見到有蟹肉蟹柳同蟹籽，食落都新鮮嘅，用來做開胃前菜唔錯特選壽司盛 - 霜 $198一共有八款壽司，赤身、油甘魚、三文魚、紋甲魷魚、左口魚邊、赤蝦、穴子、海膽，刺身整體都新鮮，做宵夜都幾飽😆黑豚車厘茄卷 $28車厘茄酸酸甜甜，豚肉嘅豬味都突出，而且車厘茄爆汁，食落唔會好乾，調味都相當唔錯牛肉秋葵卷 $33燒過嘅秋葵無平時咁滑潺潺，牛肉肉味幾出，而且燒牛肉嗰種獨特嘅香氣都有出到嚟橫膈膜 $38好少做串燒會用橫隔膜，見佢幾特別，叫咗一串試試佢，個口感結實得嚟又彈牙，冇乜過度嘅調味，幾得意嘅，有興趣可以試吓🤣燒粟米 $28一上枱已經聞到好香牛油味，食落口同想像嘅味道一模一樣，正常發揮牛蒡漬 $48醃製得啱啱好，入晒味，同時又保留到牛蒡嘅味道，口感爽脆螢光魷魚 $48螢光魷魚不嬲都係重口味食品，用嚟送酒一流依家凡惠顧主餐牌滿$60即可以優惠價$8加配生啤，Happy Friday要嚟啤一啤啦😆
continue reading
雜錦魚生沙律 - 一開頭就有個開胃小菜，三文魚大大粒，口感十足。叉燒拉麵（豚骨湯） - 湯底同拉麵都OK。但最好味嘅係佢嘅叉燒。非常入味同軟熟肥瘦適中。厚燒仙苔牛舌 - 牛舌非常爽口，肉汁同檸檬嘅酸酸地味道混合，非常夾。黑豚肉腸 - 好少見呢隻肉腸，勁厚肉，食落啖啖肉非常爽。芝士年糕 - 軟綿綿嘅年糕再包住半凝固嘅芝士，有啲滯但佢鍾意食芝士同煙煙韌韌嘅人會係好吸引。三文魚壽司，中拖羅壽司，拖羅蓉軍艦 - 呢幾款壽司都唔錯，都算新鮮。
continue reading
今日同朋友去佐敦嘅「霜月居酒屋」撐枱腳…..兩個人嗌咗成枱嘢食…😌🐾 豬軟骨拉麵豬軟骨煮得夠淋哂又入味…仲有半隻溏心蛋….拉麵軟硬適中😌🐾 雜錦魚生沙律 三文魚….八爪魚….吞拿魚….蟹子鋪滿面🥗….魚生新鮮厚切…撈埋柚子醋同沙律菜好開胃…😚🐾 🍣壽司類- 赤蝦壽司：蝦肉鮮甜- 劍魚腩壽司：魚油豐富…入口即融- 三文魚壽司：新鮮肥美依家做緊週年優惠…串燒半價….又點可以唔order 啲嚟試下呢🤪🐾 🔥串燒小食- 法式羊架 ：羊架嫩滑…鐘意食羊嘅朋友一定要試下☺️- 雞中翼 ：皮脆肉嫩！簡單好食🍗- 燒粟米：掃咗牛油燒到焦香🌽 夠爽甜- 厚燒牛舌：燒得外脆內軟…咬落去啖啖肉仲有炭燒香…配埋檸檬汁超正😋
continue reading
佐敦小巷中有間精緻既居酒屋小店，提供地道日本料理及飲品，餐廳以傳統日式木系風格非常舒適同放鬆，適合朋友聚會、小型慶祝活動或者單獨用餐，門口都好有日系感覺放置左3大壺日式酒埕好易認～係度可以食到刺身、壽司、天婦羅、串燒、拉麵、炒飯等菜式，而家仲有期間限定款式如叉燒拉麵、豬軟骨拉麵、海鮮拉麵、夏威夷魚生飯同醬油漬魚生丼，款款都好吸引🤩而家仲做緊優惠下午3點後串燒半價優惠🔔—————————————————————————————♦️壽司（三文魚、油甘魚、紋甲魷魚）🍣：三文魚好新鮮油脂豐富，口感滑腻係嘴中融化，壽司飯有嚼勁醋量適中～油甘魚肉質較緊實同肥美，食落唔腥帶有油香味～紋甲魷魚口感相對彈牙，味道清新帶有海洋鮮甜，而且一啲都唔韌好易可以咬開😌♦️叉燒拉麵（黑蒜油湯）🍜：黑蒜油湯底富有層次感，黑蒜香氣與豬骨湯鮮甜相得益彰，令人一啖飲落去便能感受到濃厚風味，而且唔會過於油膩，非常適合中意濃郁口味既人～叉燒質感軟嫩，帶有煙燻香味，肉質多汁口感極佳，叉燒本身調味都相當到位，同拉麵湯底完美結合～麵質夠彈性口感順滑，而且好掛湯，配菜半熟蛋既蛋黃流心，烹調時間岩岩好更能提升整體風味♦️夏威夷魚生飯：壽司飯量都幾多表面加左新鮮沙律菜提升口感層次，魚生選用大量三文魚同油甘魚等十分足料，而且口感軟滑加埋牛油果配搭新鮮令人食指大動😍♦️厚燒仙苔牛舌：牛舌真係夠晒厚好足料，牛舌肉質又相對柔嫩，外脆內嫩口感提升左層次感，而且咬落去好多肉汁🙈♦️黑豚露荀卷：本身我自己麻麻地露荀，但佢今次呢個串燒真係整得幾好味，露荀食落唔乾身仲有大量水份，爽脆之餘又嫩口，而且中和黑豚肉油膩感～黑豚肉本身味道濃郁，脂肪適中肉質細膩，配埋調味料烹調更美味👍🏻♦️大蔥雞肉串：雞肉唔會乾噌噌經過烤制後口感十分多汁，雞肉外焦內嫩，大蔥香氣同雞肉鮮味互相融合，大蔥清香有助提升口感層次評分🖍️(滿分為5個🌕)抵食指數：🌕🌕🌕🌕🌗服務質素：🌕🌕🌕🌕🌕環境：🌕🌕🌕🌕🌗味道：🌕🌕🌕🌕🌗
continue reading
You may be interested in