碼頭故事

Open Now

Now Closed

見到新開張訂座有折，仲好似好正宗咁，裝修勁靚一於去試吓啦。裝修帶中國風，環境舒服。就全部散叫嘅，因為兩個人又唔想食咁多嘢，所以唔係點咗好多。蕃茄及麻辣鍋蕃茄味香濃，特別推介麻辣鍋，麻辣味好突出，個鍋一到既時候已聞到麻辣香。紅薯粉半份四川風味，帶嚼勁，配麻辣鍋一流。一米肥牛肥牛的擺盤賣相特別，肥牛肉味香濃，色澤鮮艷。黑豚肉色澤好靚，肉質嫩滑，肉味都好突岀。鮮魷魚片鮮味十足，肉質爽口彈牙。墨魚丸有墨魚粒的墨魚丸，爽口有嚼勁，推介。手工青筍片切成片狀，片片爽甜，必點。脆骨腩爽口鮮甜，有魚香，打邊爐最鍾意叫。