日本野 (Closed)

話說最近社會問題，所以真係比較少機會外出食飯，今日係萬聖節，甘啱聽日女友考車牌，所以我用食物去鼓勵佢……😄今晚四處都冇地鐵，嚟到旺角睇OpenRice見到依間日本野新開張冇幾耐，咁耐冇食嘢，梗係試新野啦！😍馬上OpenRice訂枱有八八折，上到去，因為我6:30太早，所以我係第一枱食客，睇完餐牌就order咗幾款招牌菜😋頭盤係刺身拼盤，北寄貝非常有咬口，八爪魚新鮮，牡丹蝦鮮甜，三文魚甜美🥰石燒和牛，女友係牛魔王，梗係食牛啦……睇賣相已經知道非常新鮮，和牛新鮮係鮮紅色，我見過一啲已經發黑嘅和牛餐廳都夠膽攞出黎，但係依家絕對冇問題，正！👍🏻👍🏻👍🏻先用舊牛脂肪”捽一捽”石面，之後就可以將和牛放上去煎，每邊大概煎20秒就可以食得，再點一點燒牛肉汁，另外仲有三款醬料，不過其實就咁食已經好好味😋溫泉蛋燒牛肉丼，將溫泉蛋整爛撈埋落啲牛肉連埋飯放入口，嗰種滿足感我諗大家都試過😍😍美味！榴槤炸彈，一直以來我對煎炸野都係麻麻哋，所以我食咗一粒，女友就食晒三粒，不過榴槤味真係好堅，食完返到屋企隔咗兩個鐘過後都仲係榴槤味🤪經理話而家新開張期間可以玩遊戲，只要第一刀插落去個頭就飛出嚟嘅話，就免費食和牛，第二刀